(UPDATED) Laundry Tips Para Iwas Amoy-Kulob ang Damit Ngayong Tag-Ulan

(UPDATED, July 31, 2025)

Sabi nga sa kanta, “Pumapatak na naman ang ulan sa bubong ng bahay,” mga Kosmenatics. At kapag tag-ulan, hindi lang puso ang nababasa, pati labada, pahirapan ang pagpapatuyo! Pero ‘wag mag-alala, dahil may mga life hacks tayo para tuloy-tuloy ang fresh na amoy ng damit kahit walang araw. 

We updated this article we made last year para maglagay ng iba pang valuable tips na makakatulong sa pagpapatuyo ng inyong labada at para maiwasan ang amoy kulob sa damit lalo ngayong tag-ulan. 

Unahin Ang Dapat Mauna

Kung may mga pamasok o pang-alis na damit, unahin silang labhan. Mahirap magpatuyo kapag umuulan, kaya siguraduhing ready ang mga essential outfits. 

Pigain Maige Bago Isampay 

Extra effort sa pagpiga ng damit = mas mabilis matuyo. Kung may dryer, gamitin ito. Kung wala, pigang-piga dapat bago isampay. 

Kung magagamitan din ng dryer mas mainam, pero kung natural na pagpapatuyo ang nakasanayan, siguraduhing pigang piga maige ang tubig sa damit nang sa gayon ay makatulong sa pagpapabilis ng pagpapatuyo ng mga isasampay.

FabCon is the Key

Ngayon panahon ng tag-ulan, kapag ang labada ay pinatuyo sa saradong lugar, hindi natin maiiwasan na magkaron ito ng kulob na amoy. Kaya naman mas mainam na maglagay ng fabric conditioner sa tubig na gagamitin bago banlawan ang mga damit.

Fabric conditioner na may anti-bacterial properties ang best friend mo ngayong tag-ulan. Bukod sa bango, nakakatulong ito sa pag-alis ng amoy kulob sa damit, at germ build-up.

Malaking tulong ito upang mapanatiling mabango ang mga sinampay na damit kahit sa kulob na lugar ito patuyuin.

Tamang Spacing 

Dahil mas mahirap magpatuyo ng mga nilabhan at sinampay na damit kapag umuulan dahil hindi natin ito maisasampay sa labas para maarawan, mas matagal itong matuyo. Kaya naman mas mainam na lagyan ng karampatang space kada sinampay para mapasukan at makapag circulate ang hangin ng mas maayos, para makatulong sa mas mabilis na pagpapatuyo ng mga sinampay.

Gamitin ang Electric Fan o Aircon 

Kung indoors ang sampayan, i-boost ang airflow gamit ang fan o aircon. Mas mabilis ang drying time, lalo na sa makakapal na tela tulad ng tuwalya o bedsheets. 

Maglagay ng Dehumidifier 

Kung may budget, maari niyong itry bumili ng dehumidifier.

Nakakatulong ito sa pag-alis ng moisture sa hangin at sa damit mismo, ito ang isa sa mga epektibong solusyon paano mawala o maiwan ang amoy kulob sa damit. Meron kami niyan dito sa iyong appliances depot, Mang Kosme.

Iwasan ang Overcrowding sa Laundry Area 

Kapag siksikan ang sinampay, mas matagal matuyo. Iwasan ang moisture pockets na nagdudulot ng amoy-kulob sa damit. Tip: Hang clothes in batches para mas efficient. 

Nawa’y makatulong ang mga tips namin para mas mapadali at mas maging maayos ang paglalaba niyo ngayong tag-ulan.

BONUS TIP: Kung kailangan niyo ng washing machine o nag-iiisip kayo mag upgrade, check niyo dito sa aming website www.mangkosme.com ilang click lang, may washing machine na kayo, nagdedeliver na kami sa Bulacan at Pampanga! 

Pwede din naman kayong pumunta sa aming warehouse kapag maganda na ang panahon.

Stay safe, fresh, and dry ngayong tag-ulan, Kosmenatics! At kitakits!